係電話揾返張舊相，係之前新買既moyou印花版，新板當然要試下啦， 新屎坑永遠是香的L(^o^)」
圖案線條好細緻，又易上手， 係唯獨自己的指甲唔夠大，好勉強先可以印得哂想要既圖案
呢排已經放下左無做gel甲了， 唔知繁忙既生活又會發展成點呢，會有返少少空閒唧出來嗎？XDDD
18 11月 2014
蕃薯雞翼煲
我開始覺得, 煮一餐美味既晚餐
唔一定要死版地跟住幾多油鹽醬醋
係要單馮你人生食過幾多滋味既菜式
去判斷每一項調味的多與少
簡單的家常菜就更不需理會
因為最常用的莫過於鼓油, 豆粉, 糖, 鹽同埋蠔油呢幾樣
想有少少調味, 加鼓油, 想重口味既, 加蠔油
個汁要掛上菜既, 落適量既生粉水
最重要既, 當然係試味!!
今日呢個菜, 係睇日本食譜書整成
醃雞翼味料有鼓油, 味醂, 料理酒
無味醂可以落糖取替
原食譜係醃完雞翼, 然後加鼓油同水炆佢
係我未煮佢之前, 幻想左佢個味道一定唔方好味
(鼓油加水.....咁同攞支鼓油沖水飲有咩分別?!真係無其他調味la~~~)
我放棄左佢個食譜, 除左醃雞既醃料跟佢外, 然後就自由發輝
我先煎一煎個雞翼金黃色, 盛起
然後於同煲中加入乾蔥, 薑片及洋蔥炒香, 再下蕃薯炒至半熟
倒入鼓油, 水, 绍興酒炆一炆佢, 等蕃薯咁上下開始淋, 再放入雞翼
再炆下佢, 加返少少鹽同糖調味, 煮至汁程少少杰身就攪掂
喜歡的話, 加埋黑椒碎仲一流
不過計我話, 如果加埋冬菇落去仲正!
再想發輝落去既, 仲有栗子, 薯仔, 肉碎, 紅蘿蔔...
咁就可以厄多幾個新口味新菜式返黎 XDDD
我家大少食入口話, 點解d蕃薯煮左出黎咁似南瓜架@x@
(佢好憎食南瓜的XD)
無計~~呢個星期係清雪櫃日, 話要食蕃薯湯水個個成日都話無時間食
咪學下日本人咁煮蕃薯菜囉~~
我開頭都好驚不輪不類架, 但估唔到竟然佢覺得似南瓜
咁都好d~~幾驚九唔搭八唔好味 XDDD
13 11月 2014
韓式啤酒燴牛肋條
可憐的牛肋條
本想用佢同白蘿蔔一齊恂情, 就俾我拆散左...啪左白蘿蔔落肚都仲未食佢
係網上揾食譜幫佢解決, 食譜話要茄膏
之前行街係ccsuper 見$8.9, 但驚買左又唔用, 所以無買.......
今日專程去吉豬島....$11.5我又唔捨得貴左
放工去埋百記....$14.9....我放棄啦 XDDDD
原食譜要用茄膏我又無, 咁點呢....
最後我拎左支759買既韓式醬做, 食譜要加水加啤酒, 但我吱啤實在太大支
唔用又哂, 代替埋水, 嗯~~~亂打亂撞, 煲野又幾好味喎 XDDD
而家d汁食淨左我都留起打算放d水餃落去食埋去 >3<
食譜:
牛肋條一包, 洋蔥一個切粗條, 甘筍2-3條切粒, 蒜頭2粒切片, 蕃茄一個切件,, 香葉幾片
調味:
啤酒, 韓式醃醬, 牛湯粒, 鹽, 黑糊椒, 麵粉約15g
做法:
1) 牛肋條跑活水 (凍水落肉煲至滾), 倒去血水, 洗淨, 牛肋條切粒備用
2) 加少許油於煲中, 將牛肋條粒加鹽加黑胡椒煎至2邊金黃, 盛起
3) 於同一煲中放入洋蔥炒香, 放入蒜頭爆香後, 拿起一半洋蔥
4) 分幾次放入麵粉炒勻 (此動作令汁可以煲得濃調d)
5) 放入牛肋條, 加入約2湯匙韓式醬料, 啤酒倒至蓋過牛肉面
6) 再放入牛湯粒, 香葉, 紅蘿蔔, 加上鍋蓋加熱至滾, 細火煮約10分鐘後熄火, 焗30分鐘
7) 再煲滾再熄火, 重覆2次, 最後一次加入蕃茄和餘下洋蔥, 滾熱即成
P.S.
i) 牛肋條比較多油脂, 煲的時候如見有肥油請兜掉
ii) 請試味, 煮飯無一個特定基準, 材料會增加或減少, 調味時請自行判斷加鹽加水或加糖
iii) 汁料不夠濃調, 可用麵粉加少許水/煲中的汁 (冷) 開均, 再落煲煲, 或最後一次開蓋用中火令水份蒸發, 但要小心煲濃餸
iv) 由於紅蘿蔔已有甜味, 不用加糖汁己有甜甜的味道
v) 我使用的是韓國帶點辣的醬料, 冬天食熱熱辣辣好惹味呢~~~
vi) 食譜是要加入水的, 但我全用哂啤酒代替, 如不喜歡太多啤酒麥味, 可改啤酒和水比率為3:2
10 11月 2014
訂閱：
文章 (Atom)